Ragnar Axelsson - Rax

Ljósmyndari á Morgunblaðinu frá 1976. Nam ljósmyndun hjá Ingibjörgu Kaldal og sótti framhaldsnámskeið hjá Mary Ellen Mark. "Reykjavík", bók með litljósmyndum, 1990. Hefur birt ljósmyndir og myndasögur í erlendum blöðum og tímaritum, s.s. LIFE, National Geographic, Le Figaro, Stern, La Vanguardia, TIME ofl. Einkasýningar á Kjarvalsstöðum 1990 og í Barbican Centre, London 1992: "Tender is the North". Þátttaka í fjölda samsýninga. Tugir viðurkenninga á sýningum Blaðaljósmyndarafélags Íslands, sem hófust 1991. Þar á meðal "Mynd ársins" 1992, 1993, 1996 og 1997. "Myndröð ársins" 1991, 1992, 1993, 1994, 1996, 1997, 2002. "Fréttamynd ársins" 1994. Landslagsmynd ársins 2002.

RAX er einn af þeim sem er ljósmyndari allan sólarhringinn sem þýðir að hann lætur sig aldrei vanta ef hann veit af góðu og spennandi myndefni. Rax hefur yfir að ráða öflugum tækjakosti til að geta sinnt starfi sínu af kostgæfni.